У Рыбакова на сустрэчы Коўла з Лукашэнкам моцна трэсліся рукі
У пастаяннага прадстаўніка Беларусі пры ААН Валянціна Рыбакова, які, відавочна, курыруе амерыканска-беларускія перамовы, прыкметна трэсліся рукі, калі ён перадаваў ліст ад Дональда Трампа і яго жонкі Меланіі Аляксандру Лукашэнку.
Валянцін Рыбакоў гэтым разам, як і ў мінулыя перамовы Лукашэнкі з амерыканцамі, быў перакладчыкам падчас гутаркі.
На відэа трапіў момант яго перадачы ліста Трампа Лукашэнку. Магчыма ад урачыстасці моманту ў пастаяннага прадстаўніка Беларусі пры ААН і мужа віцэ-прэм’еркі Наталлі Пяткевіч затрэсліся рукі.
Лукашэнка ж папрасіў Рыбакова перадаць падзяку прэзідэнту ЗША Дональду Трампу і яго жонцы Меланіі за пасланне. «Мы ўмеем чытаць паміж радкоў», — дадаў ён.