Сёння пачынаюцца беларуска-расійскія вучэнні «Захад-2025»
Яны пройдуць з 12 па 16 верасня на палігонах Рэспублікі Беларусь і Расійскай Федэрацыі.
Ілюстрацыйнае фота Мінабароны
Мэта вучэнняў — адпрацоўка сумесных дзеянняў беларускіх і расійскіх войскаў у межах забеспячэння ваеннай бяспекі Саюзнай дзяржавы і гатоўнасці да адбіцця магчымай агрэсіі, паведамляе Мінабароны.
Ключавыя аспекты падрыхтоўкі, на якіх засяроджаны вучэнні: удасканаленне навыкаў камандавання і штабоў у кіраванні войскамі пры адбіцці агрэсіі, павышэнне ўзроўню ўзаемадзеяння паміж органамі кіравання і палявога навучання ваеннаслужачых, а таксама адпрацоўка сумесных дзеянняў па нейтралізацыі пагроз і стабілізацыі абстаноўкі на межах Саюзнай дзяржавы.
Мінабароны падкрэслівае, што вучэнні «Захад» — гэта планаванае мерапрыемства, якому папярэднічала серыя падрыхтоўчых манеўраў на тэрыторыі абедзвюх краін.
Вучэнні на тэрыторыі Беларусі праводзіцца на палігонах, размешчаных у глыбіні краіны або ў яе ўсходніх рэгіёнах, і носяць абарончы характар, дадае ведамства.
Нагадаем, што Польша ад сёння цалкам закрыла сваю мяжу з Беларуссю.