Трамп і Пуцін могуць сустрэцца на саміце ў Малайзіі
Расійскі палітык і амерыканскі лідар возьмуць удзел у саміце Асацыяцыі дзяржаў Паўднёва-Усходняй Азіі (АСЕАН) у кастрычніку, паведамляе агенцтва Bernama. У Крамлі і Белым доме гэтую інфармацыю пакуль не каментуюць.
Дональд Трамп і Уладзімір Пуцін падчас саміта на Алясцы 15 жніўня 2025 года. Фота: Jae C. Hong / AP
Таксама на мерапрыемстве будуць прысутнічаць прэм’ер-міністр Кітая Лі Цян, бразільскі лідар Лула да Сілва і прэзідэнт ПАР Сірыл Рамафоса.
У ліпені ў Куала-Лумпуры ўжо адбывалася сустрэча міністраў краін АСЕАН. На ёй, у прыватнасці, сустрэліся кіраўнікі дыпламатычных ведамстваў Расіі і ЗША Сяргей Лаўроў і Марка Рубіа.
Апошні раз Пуцін і Трамп сустракаліся на Алясцы 15 жніўня, таксама яны некалькі разоў размаўлялі па тэлефоне. Яны абмяркоўвалі спосабы спынення вайны ва Украіне.