Кім Чэн Ын забараніў словы «гамбургер», «караоке» і «марожанае»
Кім Чэн Ын забараніў слова «гамбургер», палічыўшы яго занадта заходнім. У спіс забароненых слоў таксама ўвайшлі «караоке» і «марожанае».
Фота: Alexander Kazakov, Sputnik, Kremlin Pool Photo via AP
Турыстычным гідам, якія прымаюць расійскіх і кітайскіх гасцей на курорце Вансан, даручана пазбягаць англіцызмаў, папулярных на Захадзе і ў суседняй Паўднёвай Карэі.
Так, слова «гамбургер» неабходна замяняць на dajin-gogi gyeopppang (двайны хлеб з фаршам), а «марожанае» — на eseukimo.
Караоке-машыны, шырока распаўсюджаныя ў Паўднёвай Карэі, павінны называцца «машынамі для экраннага суправаджэння».