Міліцыя сцвярджае, што на канцэрт у Мінску прыйшлі 120 тысяч чалавек ВІДЭА
Учора каля Палаца спорту прайшоў вялікі святочны канцэрт, прымеркаваны да Дня горада, хэдлайнерам якога стаў расійскі рэпер Мот.
Выступленне рэпера Мота. Фота: Анлайнер
Уся пляцоўка перад сцэнай была шчыльна запоўненая. Паводле даных міліцыі канцэрт сабраў каля 120 тысяч чалавек.
На разагрэве ў рэпера выступілі кавер-бэнд Iodo Band, дыджэй Holdi і шоу-праект «NE Руки Вверх», які падарыў ноту настальгіі вядомымі хітамі «Крошка моя» і «Алёшка». Завяршалі вечар ды-джэі Swanky Tunes.
Канцэрт быў бясплатным — яго арганізаваў Мінгарвыканкам разам з кампаніяй А1. Але, як адзначаюць некаторыя мінчукі, пытанні выклікалі якасць гуку, сістэма пропуску і культура публікі.