Расія нанесла ўдар па камбайнерах у Сумскай вобласці, параненыя 12 чалавек
Удар па сельскагаспадарчым прадпрыемстве быў нанесены вечарам 14 верасня дзвюма ракетамі, паведаміла пракуратура Сумскай вобласці Украіны.
Фота: Пракуратура Украіны
Параненыя 12 чалавек, якія займаліся ўборкай ураджаю. Адзін з параненых знаходзіцца ў цяжкім стане. Таксама пашкоджана каля 30 адзінак сельскагаспадарчай тэхнікі.
З пачаткам сезона ўборкі ўраджаю ва Украіне ўлады некалькіх прыфрантавых рэгіёнаў неаднаразова паведамлялі пра наўмысныя ўдары расійскіх вайскоўцаў па фермерах, якія працуюць у палях.