Пад Мінскам раскідаюць з самалётаў прынады для дзікіх жывёл
З 16 верасня ў Мінскім раёна пачалася акцыя па аральнай вакцынацыі дзікіх драпежнікаў супраць шаленства. Спецыяльныя прынады з вакцынай будуць раскідваць у лясных масівах з дапамогай авіяцыі, паведамляе pristalica.by.
Фота ілюстрацыйнае
Спецыялісты Мінскай раённай ветэрынарнай станцыі папярэджваюць жыхароў: падчас правядзення работ трэба пазбягаць знаходжання ў зоне палёту самалёта, каб не атрымаць траўмы ад падаючых прынад.
Катэгарычна забаронена падымаць прынады з зямлі і ўвогуле браць іх у рукі. Калі змесціва вакцыны выпадкова трапіла на скуру або слізістыя абалонкі, трэба неадкладна прамыць месца вялікай колькасцю вады, апрацаваць 2%-м растворам харчовай соды і як мага хутчэй звярнуцца ў медыцынскую ўстанову па кансультацыі.
Чытайце таксама:
У Брэсце заўважылі адразу чатырох ліс у адным месцы. Там жа быў і кот
У Беларусі зафіксаваныя два выпадкі кантакту з шалёнымі жывёламі