Трамп назваў забітага актывіста Кірка «гігантам свайго пакалення»
На жалобнай цырымоніі, якая прайшла на стадыёне ў горадзе Глендэйл у штаце Арызона, сабраліся амаль усе члены амерыканскай адміністрацыі.
Дональд Трамп і ўдава Чарлі Кірка Эрыка. Фота: Win McNamee/Getty Images
Трамп назваў забітага актывіста Кірка «гігантам свайго пакалення», піша Бі-бі-сі.
«Сёння Амерыка знаходзіцца ў стане жалобы, шоку і смутку», — заявіў амерыканскі лідар на паніхідзе па кансерватыўным актывісце Чарлі Кірку, застрэленым 10 верасня.
Паводле слоў Трампа, Кірк быў «па-зверску забіты радыкалізаваным халаднакроўным монстрам», бо змагаўся за свабоду і справядлівасць. «Ніхто з нас ніколі не забудзе Чарлі Кірка, і гісторыя яго таксама не забудзе», — дадаў Трамп.
На жалобнай цырымоніі, якая прайшла на стадыёне ў горадзе Глендэйл у штаце Арызона, сабраліся амаль усе члены амерыканскай адміністрацыі, у тым ліку віцэ-прэзідэнт Джэй Дзі Вэнс, дзяржсакратар Марка Рубіа і кіраўнік Пентагона Піт Хэгсет.
У прэзідэнцкай ложы разам з Трампам быў таксама заўважаны мільярдэр Ілан Маск. На кадрах трансляцыі было відаць, як ён пра нешта гаворыць з Трампам, пасля чаго яны паціскаюць адзін аднаму рукі, і Маск сыходзіць.
На мерапрыемстве таксама выступіла з прамовай удава актывіста Эрыка Кірк. Яна сказала, што даруе забойцу мужа.
«Я дарую яму, таму што так зрабіў Хрыстос. Адказ на нянавісць — не нянавісць», — заявіла жанчына.
Чытайце таксама:
Удава Чарлі Кірка эмацыйна звярнулася да забойцы свайго мужа: Ты не ўяўляеш, што ты развязаў
ФБР апублікавала відэазапіс уцёкаў меркаванага забойцы Чарлі Кірка