У Крыме ўпершыню знішчаны два расійскія самалёты-амфібіі Бе-12 — ГУР
Паводле заявы Галоўнага ўпраўлення разведкі Міністэрства абароны Украіны, 21 верасня ў акупаваным Крыме былі знішчаны два расійскія супрацьлодкавыя самалёты-амфібіі тыпу Бе-12 «Чайка».
Скрын відэа ГУР
Паведамляецца, што аперацыю правяло спецпадраздзяленне «Прывіды».
У ГУР падкрэсліваюць, што гэта першы выпадак знішчэння самалётаў Бе-12 за ўвесь час іх выкарыстання. Гэтыя машыны прызначаны для пошуку і знішчэння падводных лодак.
Акрамя таго, украінская разведка заяўляе пра вывад з ладу расійскага шматмэтавага верталёта Мі-8 у выніку той жа атакі.