У ДТЗ з ласём пад Магілёвам загінула жанчына
Раніцай, каля сямі гадзін, на 12‑м кіламетры аўтадарогі М-15 у Магілёўскім раёне адбылося смяротнае дарожна-транспартнае здарэнне.
Паводле інфармацыі ДАІ, 46‑гадовая жанчына, якая кіравала аўтамабілем Chrysler, сутыкнулася з ласём, што выбег на дарогу з правага боку, непасрэдна перад машынай.
Ад удару аўтамабіль знесла ў кювет.
Кіроўца загінула на месцы здарэння ад атрыманых траўм.