Пад Мінскам адбылося смяротнае ДТЗ
Аўтамабільная аварыя адбылася сёння каля 09:20 на 15‑м кіламетры дарогі Мінск — Віцебск, паведамляе ДАІ.
Фота: ДАІ
60‑гадовы кіроўца Jeep Grand Cherokee ехаў па крайняй правай паласе ў напрамку Віцебска.
Ён адцягнуўся ад кіравання аўтамабілем, у выніку чаго сутыкнуўся з Renault Duster, які ехаў у тым жа напрамку.
Кіроўца Renault ад атрыманых траўмаў памёр.