У Касцюковічах у каледжы 17‑гадовая дзяўчына збіла аднагодку на вачах у іншых навучэнцаў
Падлеткі нават не спрабавалі дзяўчат разняць — проста здымалі на тэлефон.
У Касцюковічах 17‑гадовая дзяўчына прыйшла ў каледж да сваёй сястры і сустрэла там дзяўчыну, з якой мела сварку з-за абраз у інтэрнэце.
Яны пачалі спрачацца, а потым адна з іх кінулася ў бойку і збіла другую на вачах у іншых вучняў.
Іншыя падлеткі нічым не дапамаглі, а толькі здымалі ўсё на тэлефоны.
Пацярпелая вярнулася дадому і разам з хлопцам пайшла ў міліцыю. Там завялі справу за хуліганства.