Ціханоўская абмеркавала з мэрам Варшавы будучыню беларускіх пляцовак

Падчас візіту ў Польшчу для ўдзелу ў Варшаўскім форуме па бяспецы Святлана Ціханоўская сустрэлася з мэрам Варшавы Рафалам Тшаскоўскім і абмеркавала з ім некаторыя пытанні беларуска-польскай супрацы. 

Фота: Офіс Святланы Ціханоўскай

На сустрэчы бакі абмеркавалі:

• будучыню беларускіх пляцовак у польскай сталіцы;
• магчымасці правядзення польска-беларускіх спартыўных і культурніцкіх ініцыятыў;
• ініцыятывы ў межах Пакта Свабодных гарадоў, які аб’ядноўвае Варшаву, Будапешт, Браціславу і Прагу.

Ціханоўская падзякавала польскаму палітыку за падтрымку беларускіх арганізацў і ініцыятыў, у тым ліку за працу шэлтараў для рэпрэсаваных і былых палітвязняў.

Акрамя таго, беларуская дэмакратычная лідарка адзначыла, што ў найбліжэйшы час можа ўзнікнуць неабходнасць прыняць у Польшчы яшчэ больш людзей, і заклікала аказаць усебаковую падтрымку.

Каментары да артыкула