Чыноўнікам, якія працягваюць працаваць, дазволілі атрымліваць пенсіі
1 кастрычніка Аляксандр Лукашэнка падпісаў указ «Аб пенсійным забеспячэнні дзяржаўных цывільных службоўцаў». Паводле гэтага дакумента, з 1 студзеня 2026 года пенсію за выслугу гадоў будуць мець права атрымліваць усе дзяржаўныя службоўцы, якія дасягнулі пенсійнага ўзросту і працягваюць працаваць.
71‑гадовы Аляксандр Лукашэнка. Фота: Ramil Sitdikov / Pool Photo via AP
Раней падобнае абмежаванне ўжо было знята для працуючых пенсіянераў у адпаведнасці з Указам № 402 ад 29 кастрычніка 2024 года.
Мэта рашэння — павялічыць зацікаўленасць дзяржаўных службоўцаў працягваць працу і больш эфектыўна выкарыстоўваць іх прафесійны патэнцыял у эканоміцы краіны.
Гэта ўказ уніфікуе падыходы да выплат пенсій для вайсковых і цывільных пенсіянераў, якія працягваюць працаваць, што адпавядае агульнай цяперашняй лініі ўладаў па зняцці абмежаванняў на поўную выплату заробленай пенсіі.
Чытайце таксама:
Аксакалы Туркменістана папрасілі ў прэзідэнта больш не павышаць заробкі, пенсіі і дапамогі