Удараў па цягніках на Сумшчыне было два
Калі была эвакуацыя з першага, Расія ўдарыла па другім.
Сёння стала вядома, што на Сумшчыне быў атакаваны пасажырскі цягнік.
У Міністэрстве развіцця Украіны паведамілі, што ўдараў было два.
Першы трапіў у лакаматыў прыгараднага цягніка Цярэшчынская — Ноўгарад-Северскі. Калі пачалася эвакуацыя людзей, вораг паўторна атакаваў — на гэты раз трапілі ў электравоз цягніка Кіеў — Шостка.
Некаторых параненых ужо забралі ў бальніцу, іншыя людзі знаходзяцца ў сховішчах пад кантролем ратавальнікаў. Ёсць параненыя, у бальніцу даставілі 8 чалавек.