Даносчыца Бондарава занялася магамі
Вольга Бондарава, вядомая сваімі прарасійскімі поглядамі, распачала барацьбу з варажбіткамі. У інстаграме яна натрапіла на абвестку «Навучаю магіі» і паскардзілася ў Міністэрства антыманапольнага рэгулявання і гандлю.
Вольга Бондарава дамаглася таго, каб пост з рэкламай «Вучу магіі» ў інстаграме прызналі парушэннем закона.
Яна напісала скаргу, і Мінгарвыканкам палічыў такую рэкламу парушэннем закона «Аб рэкламе». Аўтарка паста выдаліла яго і атрымала папярэджанне.
«А наогул, час ужо забараняць дзейнасць усіх гэтых варажбітак, вяшчуноў, ведзьмаў і іншай нечысці. Ва Украіне заігрыванне з акультызмам прывяло да сатанізму і чалавечых ахвярапрынашэнняў. Няўжо гэтага прыкладу мала, каб спыніцца і задумацца, куды можа завесці нашу Беларусь бяздумнае выкананне рэкамендацый ЮНЕСКА?» — напісала Бондарава.