У Перу Кангрэс прагаласаваў за імпічмент прэзідэнту за «пастаянную маральную недзеяздольнасць»
У Перу Кангрэс прагаласаваў за абвяшчэнне імпічменту прэзідэнту краіны Дзіне Балуартэ. Рашэнне было прынята аднагалосна, піша Noticias Caracol.
Фота: Klebher Vasquez/Anadolu via Getty Images
Парламентарыі абвясцілі пра «пастаянную маральную недзеяздольнасць» кіраўніка дзяржавы. Кангрэсмены ў хадайніцтвах аб імпічменце заявілі, што Балуартэ не здольная кіраваць краінай ва ўмовах росту палітычнага і сацыяльнага крызісу, росту злачыннасці, удзельнічала ў карупцыйных злачынствах і парушала этычныя нормы.
Пасаду прэзідэнта Перу Балуартэ займала з 7 снежня 2022 года.