28‑гадовы беларус паехаў у Расію і ажаніўся. Адразу завербаваўся на вайну, паваяваў месяц — і загінуў
У выйгрышы толькі расійская ўдава Паўла Філончыка — маладога хлопца з Мазыра.
Павел Філончык. Фота з ягонай старонкі ў Аднакласніках
Паўлу Філончыку было 28 гадоў. Ён родам з Мазыра. Мяркуючы па сацсетках, вучыўся на факультэце фізічнага выхавання Магілёўскага дзяржаўнага ўніверсітэта імя Аркадзя Куляшова.
Філончык працаваў на розных рабочых спецыяльнасцях. Невядома, ці ёсць у яго судзімасці, але ў нейкі момант свайго жыцця ён моцна злоўжываў алкаголем. Не пазней за 2023 год пераехаў у Расію — працаваў там, перыядычна браў мікразаймы і крэдыты.
Апошнім часам Павел жыў у вёсцы Ракава Пушкінскага раёна Маскоўскай вобласці Расіі. Працаваў рабочым у санаторыі «Вікторыя», які знаходзіцца там жа.
У маі гэтага года ён ажаніўся з расіянкай з Пушкіна. А неўзабаве завербаваўся на вайну, і 18 ліпеня выклаў першае фота адтуль.
Па інфармацыі праекта «Хачу жыць», яго прызналі загінулым 28 жніўня 2025 года, заўважыў тэлеграм-канал «Віцебск, я гуляю».
Удава з Пушкіна атрымае грошы за смерць беларуса.
Чытайце таксама:
Камуніст з Гомеля запісаўся добраахвотнікам на вайну на баку Расіі. І загінуў
Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»
Памятаеце палітвязня Вітухноўскага, які пайшоў ваяваць за Расію? Ён ужо загінуў