У Мінску рабочы загінуў падчас пажару ў СТА
Пажар адбыўся на СТА раніцай 17 кастрычніка. Падчас ліквідацыі агню ратавальнікі эвакуявалі з памяшкання двух мужчын, паведамілі ў Следчым камітэце.
Фота з адкрытых крыніц
Нягледзячы на рэанімацыйныя мерапрыемствы, 40‑гадовы слесар памёр, а ягоны 48‑гадовы калега дастаўлены ў бальніцу.
Пры пільным аглядзе следчыя ва ўзаемадзеянні з экспертамі знайшлі пад лесвіцай у памяшканні ачаг узгарання. Адна з версій узнікнення пажару — неасцярожнае абыходжанне з агнём пры курэнні.