У мінскім Батанічным садзе правядуць фестываль агню
У апошнія выхадныя кастрычніка і ў першыя выхадныя лістапада ў сталічным Батанічным садзе ў сталіцы пройдзе фестываль агню. Праграма фестывалю будзе доўжыцца цэлы дзень, аднак непасрэдна фаер-шоу ў двух актах запланавана на 19:00 і 21:00 (24 і 31 кастрычніка — толькі адно шоу ў 21:00).
Фота ілюстрацыйнае
На фестывалі будзе канцэрт, вогненная фотазона, бясплатная дзіцячая зона і фуд-корт. На працягу дня будуць працаваць кірмаш рамеснікаў і забавы для дзяцей.
Квіток каштуе 20 рублёў, для дзяцей і пенсіянераў — ільготы.
Фестываль пройдзе ў некалькі этапаў: з 24 па 26 кастрычніка і зноў 31 кастрычніка, а таксама 1 і 2 лістапада.
Час працы фестывалю — з 10:00 да 22:00, пры гэтым асноўная шоу-праграма будзе стартаваць з 17:00.
Аналагічнае мерапрыемства прайшло ў Батанічным садзе ў мінулым годзе, тады арганізацыяй засталіся задаволеныя не ўсе.
Чытайце таксама:
«Шуму шмат, а відаць мала». У Мінску прайшоў фестываль агню, на якім многія таго агню і не пабачылі
Бондарава дамаглася адмены купальскага фестывалю ў Дудутках
У Мінску пачаўся фестываль шансону. Нявестка Лукашэнкі прывезла Шуфуцінскага