Лукашэнка ўвёў абавязковую маркіроўку кожнага ювелірнага вырабу
Аляксандр Лукашэнка падпісаў указ, якім у краіне ўводзіцца абавязковая маркіроўка ювелірных вырабаў. Новыя правілы пачнуць дзейнічаць з 1 студзеня 2026 года.
Ілюстрацыйны здымак
Як паведамілі ў прэс-службе Лукашэнкі, увядзенне маркіроўкі мае на мэце забяспечыць законнасць абароту ювелірных вырабаў і абараніць спажыўцоў ад нядобрасумленных прадаўцоў.
Маркіроўка будзе прымяняцца ў наступных выпадках:
пры вырабе ювелірных вырабаў (за выключэннем індывідуальных заказаў);
пры ўвозе на тэрыторыю Беларусі для далейшай рэалізацыі;
пры вывазе ў дзяржавы, з якімі ёсць пагадненні аб узаемным прызнанні сродкаў ідэнтыфікацыі.
Указ таксама вызначае пералік вырабаў, якія можна не маркіраваць, і ўстанаўлівае спосабы нанясення сродкаў ідэнтыфікацыі. Падрабязнасці пакуль невядомыя.