19‑гадовая самакатчыца выплаціць 3000 рублёў штрафу за траўму 72‑гадовага пенсіянера на вакзале ў Мінску
Выпадак на чыгуначным вакзале адбыўся ў красавіку.
19‑гадовая дзяўчына на электрасамакаце ледзь не збіла пенсіянера ў пешаходным тунэлі на чыгуначнай станцыі «Мінск — Пасажырскі». Потым паміж імі ўзнікла слоўная сварка.
Дзяўчына ўдарыла пенсіянера ў тулава, той страціў раўнавагу і ўпаў на бетонную падлогу, піша «Мінская праўда».
Мужчына атрымаў цялесныя пашкоджанні ў выглядзе пералому левай сцёгнавай косці. Была заведзена крымінальная справа;
У судзе самакатчыца віну прызнала і раскаялася ў здзейсненым. Ёй далі штраф 70 базавых велічынь (2 940 рублёў).