Лось ноччу зайшоў у цэх прадпрыемства пад Магілёвам, пафоткаўся і сышоў
Ніхто не пацярпеў.
У Магілёўскім раёне, у вёсцы Гаі, якая знаходзіцца за 10 кіламетраў ад абласнога цэнтра, уначы на склад ААТ «Магілёўскія насенні траў» завітаў нечаканы госць.
Падчас начной змены ў цэх, вароты якога былі адчыненыя з боку лесу, зайшоў дарослы лось з вялізнымі рагамі.
Супрацоўнікі прадпрыемства не разгубіліся і здолелі сфатаграфаваць звера.
Пасля таго, як лось правёў невялікі агляд тэрыторыі склада, ён пакінуў памяшканне і пайшоў назад у лес. Паведамляецца, што ні жывёле, ні работнікам прадпрыемства ніякай шкоды зроблена не было.