Канал беларускіх сілавікоў заклікаў мабілізаваць усе сілы для дапамогі фронту
«Наперадзе ўсё самае цяжкае», — піша рэсурс з нагоды інфармацыі пра адмену саміту ў Будапешце і аднаўленне продажу ўзбраення Украіне.
Горад Канстанцінаўка ў Данецкай вобласці, наступствы расійскіх бамбёжак. Фота Oleg Petrasiuk Ukraine's 24th Mechanized Brigade via AP
«На фоне навіны пра старт новых продажаў амерыканскага ўзбраення Украіне Трампам, магу толькі сказаць, што трэба ў самыя кароткія тэрміны ўзмацніць пастаўку гуманітарнай дапамогі на фронт і падрыхтавацца, наперадзе ўсё самае цяжкае», — піша канал «Белорусскій сіловік».
«Белорусскій сіловік» — гэта канал, звязаны з лукашэнкаўскімі сілавымі структурамі, які працуе перадусім на расійскую аўдыторыю. Ён падтрымлівае вайну і распальвае варожасць да ўкраінцаў і краін Захаду.