У некаторых раёнах Дзяржынска знікла святло
У асноўным святло знікла ў мікрараёнах горада.
Дзяржынск без святла. Скрыншот з відэа: «Мінская праўда»
Цяпер няма святла на вуліцах Ціхай, Пратасава, Мінскай і ў раёне Макаўчыцаў, піша «Мінская праўда».
У раённай бальніцы таксама няма святла. Генератары ўключыліся для забеспячэння электрычнасцю аддзялення рэанімацыі. Поўны блэкаўт ахапіў таксама аўтазаправачную станцыю на выездзе ў бок Мінска.
Акрамя таго, без святла засталіся шэраг вёсак у раёне.
Як распавялі ў Стаўбцоўскім РЭС, цяпер да ліквідацыі аварыі прыцягнутыя тэхнічныя спецыялісты і аператыўныя выязныя брыгады. Прычыны адключэння электраэнергіі высвятляюцца.