БелДІЭ выдаліў «Укантакце» са спісу заблакаваных сайтаў
Цяпер сацсеткі няма ў спісе рэсурсаў з абмежаваным доступам у Беларусі.
Ілюстрацыйны здымак: Укантакце
Што стала прычынай таго, чаму «Укантакце» блакавалі, дагэтуль невядома.
Пра блакаванне «Укантакце» стала вядома ўвечары 24 кастрычніка. Рашэннем КДБ сайт унеслі ў спіс для рэсурсаў з абмежаваным доступам.
Не працавала толькі desktop-версія сацсеткі, мабільная праграмка «Укантакце» працягвала адчыняцца.
Прэс-служба сацсеткі паведаміла, што кампанія «вывучае сітуацыю» і робіць усё неабходнае, каб аднавіць доступ да платформы ў Беларусі, аднак не раскрыла прычыны, па якіх адбылася блакіроўка.