Трамп не змог дамовіцца аб сустрэчы з Кім Чэн Ынам
«Я вельмі добра ведаю Кім Чэн Ына. Мы сапраўды не змаглі разлічыць час», — сказаў прэзідэнт ЗША.
Трамп і Кім-трэці падчас сустрэчы ў чэрвені 2019 года ў дэмілітырызанавай зоне. Фота: AP
Прэзідэнт ЗША паведаміў, што не сустрэнецца з лідарам КНДР, паведамляе Бі-бі-сі.
На сустрэчы з прэзідэнтам Паўднёвай Карэі Лі Чжэ Мёнам Трамп адзначыў, што паміж поўначчу і поўднем Карэйскага паўвострава даўно ёсць напружанасць.
«Я вельмі добра ведаю Кім Чэн Ына. Мы сапраўды не змаглі разлічыць час. Пабачым, што можна зрабіць, каб усё гэта ўладзіць», — дадаў Трамп.
Таксама падчас сустрэчы прэзідэнт Паўднёвай Карэі падарыў Трампу копію старажытнай залатой кароны ў знак «новага даверу і таварыства паміж Карэяй і ЗША». Заўтра ў Трампа запланаваная сустрэча з Сі Цзіньпінам.