У Беларусі ёсць ВНУ, куды залічваюць да сярэдзіны лістапада
З 15 лістапада пачнецца прыём дакументаў на завочнае навучанне ў аграрных ВНУ Беларусі, піша БелТА.
Жадаючыя змогуць падаць дакументы ў наступныя навучальныя ўстановы:
- Беларускую дзяржаўную сельскагаспадарчую акадэмію (г. Горкі);
- Беларускі дзяржаўны аграрны ўніверсітэт (г. Мінск);
- Віцебскую дзяржаўную ветэрынарную акадэмію;
- Гродзенскі дзяржаўны аграрны ўніверсітэт.
«Навучанне даступна як за кошт сродкаў рэспубліканскага бюджэту, так і на платнай аснове. Прыём дакументаў працягнецца да 5 снежня, уступныя выпрабаванні адбудуцца з 6 па 15 снежня, а залічэнне — да 20 снежня», — расказалі ў прэс-службе Мінсельгасхарчу.
Абітурыенты, якія збіраюцца паступаць на спецыяльнасці ў галіне сельскай гаспадаркі, ветэрынарыі, рыбнай гаспадаркі і аховы працы, будуць здаваць два профільныя выпрабаванні па сваім выбары: у форме ЦЭ, ЦТ або ўнутраных уступных экзаменаў у ВНУ.