У Літве расказалі, колькі чалавек заехалі ў Беларусь аўтобусамі з пачатку года
За 10 месяцаў 2025 года з Літвы ў Беларусь на рэйсавых аўтобусах праехала 880 тысяч чалавек. Такую лічбу назвалі ў службе аховы дзяржаўнай мяжы пры літоўскім МУС.
Аўтавакзал Вільні
На мінулым тыдні ўрад Літвы прыняў рашэнне закрыць мяжу з Беларуссю да 30 лістапада. Прычынай назвалі атаку метэазондаў.
У той жа час літоўскія ўлады далі спіс тых, каму дазволена перасякаць мяжу праз пункт пропуску «Меднікі» («Каменны Лог»). У спісе, у тым ліку, грамадзяне Еўрасаюза і тыя, у каго ёсць дазвол на жыхарства ў Літве.