Пад Жлобінам дзяўчына-кіроўца насмерць збіла пажылога мужчыну
Аварыя здарылася раніцай 4 лістапада ў аграгарадку Шчадрын Жлобінскага раёна на вуліцы Ленінскай.
19‑гадовая дзяўчына на «Ладзе» збіла 85‑гадовага пешахода, які рухаўся па праезнай частцы дарогі у тым жа кірунку, у якім ехала машына, паведамілі ў прэс-службе УУС Гомельскага аблвыканкама.
Пацярпелы мужчына з траўмамі быў шпіталізаваны ў бальніцу, дзе пазней памёр.