Пажар на «Нафтане» ліквідавалі
Міністэрства па надзвычайных сітуацыях паведаміла аб ліквідацыі пажару на тэхналагічнай устаноўцы «Нафтана».
Раней у міністэрстве паведамілі пра загаранне дызельнага паліва на ўстаноўцы.
«На месцы здарэння працаваў штаб ліквідацыі надзвычайнай сітуацыі, у склад якога ўвайшлі прадстаўнікі аб’екта і работнікі МНС.
Узаемадзейнічаючы з тэхнічным персаналам аб’екта, была арганізавана падача ў зону аварыі інертных газаў для разбаўлення гаручых рэчываў і матэрыялаў.
На астуджэнне аварыйнай і побач размешчаных установак падаваліся 12 лафетных ствалоў», — гаворыцца ў паведамленні.
Ніхто не пацярпеў.