У Дзятлаве жанчыну моцна пакусаў лабрадор, яна адсудзіла кампенсацыю
У Дзятлаве жанчына адсудзіла ў гаспадыні лабрадора 8 тысяч рублёў кампенсацыі за маральную шкоду пасля таго, як сабака яе пакусаў. Пра гэта паведамляе Гродзенскі абласны суд.
Здымак ілюстрацыйны. Фота: freepik.com
Аднойчы вечарам жанчына з сяброўкай выйшла на прагулку. Але раптам сабака-лабрадор без намордніка і ашыйніка кінуўся на жанчыну, пакусаўшы яе за руку і плячо.
Раны былі сур’ёзныя — з амярцвелымі ўчасткамі скуры. Жанчына больш за чатыры месяцы ляжала ў бальніцы, перанесла тры аперацыі і дагэтуль не аднавілася цалкам. Дактары ўвогуле не гарантуюць яе поўнага выздараўлення.
Жанчына патрабавала 10 тысяч рублёў кампенсацыі, але суд прызначыў ёй 8 тысяч. Акрамя таго, гаспадыня сабакі павінна заплаціць штраф у 15 базавых велічынь (630 рублёў) за парушэнне правіл утрымання хатніх жывёл.
Чытайце таксама:
У Брагінскім раёне сілавікі застрэлілі сабаку, які напаў на сваю гаспадыню
У Лідскім раёне сабака да смерці загрыз пажылую жанчыну
У Мінску байцоўскія сабакі напалі на хлопца з інваліднасцю, людзі ледзь уратавалі