У Столінскім раёне 18‑гадовы хлопец насмерць разбіўся на машыне
Аўтамабільная аварыя са смяротным вынікам адбылася 8 лістапада каля 16:30.
18‑гадовы кіроўца аўтамабіля Hyundai рухаўся па дарозе Н-602 «Беражное — Бор-Дубянец». Паводле папярэдніх звестак, ён не справіўся з кіраваннем, выехаў на паласу сустрэчнага руху, пасля чаго з’ехаў на ўзбочыну і ўрэзаўся ў прыдарожнае дрэва.
У выніку дарожна-транспартнага здарэння кіроўца загінуў на месцы.