Лукашэнка анансаваў перамовы з дэлегацыяй ЗША
Аляксандр Лукашэнка ў найбліжэйшы час збіраецца правесці перамовы з дэлегацыяй з Злучаных Штатаў Амерыкі. Аб гэтым ён заявіў на сённяшняй нарадзе па эканоміцы, каментуючы сітуацыю на мяжы з Літвой і рашэнне адносна грузавікоў літоўскіх перавозчыкаў
Фота: Evgenia Novozhenina Pool Photo via AP
Лукашэнка чакае ад Літвы крокаў па поўным адкрыцці мяжы.
«Аб усім астатнім мы яшчэ пагаворым у бліжэйшы час на перамовах з дэлегацыяй Злучаных Штатаў Амерыкі. Адчуваю, што без іх тут не абышлося», — сказаў ён.
Учора стала вядома, што Дональд Трамп вылучыў Джона Коўла на пасаду спецыяльнага пасланніка ў Беларусі. Менавіта Джон Коўл прыязджаў у Беларусь, каб сустрэцца з Лукашэнкам. Тады быў вызвалены 51 палітвязень.