У Мінску выпаў з акна сямігадовы хлопчык
Трагічны выпадак адбыўся ў Фрунзенскім раёне Мінска. Сямігадовы хлопчык выпаў з акна шостага паверха і загінуў, паведаміў Следчы камітэт.
Скрыншот з відэа
У момант здарэння дзіця знаходзілася дома разам з айчымам і чатырохгадовай сястрычкай. Пакуль мужчына быў на кухні, дзяўчынка падбегла да яго і паведаміла, што брат, абапёршыся на маскітную сетку, выпаў з акна.
Айчым адразу выклікаў хуткую дапамогу і міліцыю, але, нягледзячы на намаганні медыкаў, жыццё хлопчыка выратаваць не ўдалося.
Чытайце таксама:
Пагрозы жыццю няма — у бальніцы пракаментавалі стан пяцікласніка, які выпаў з акна ў Жодзіне