У Кітаі абрынулася частка 750‑метровага моста, здадзенага толькі сёлета ВІДЭА
У правінцыі Сычуань на паўднёвым захадзе Кітая абрынулася частка нядаўна адкрытага моста «Хунцы», даўжынёй каля 758 метраў. Мост злучаў цэнтральныя раёны краіны з Тыбетам.
Скрыншот з відэа
Яшчэ ў панядзелак паліцыя горада Марканг цалкам закрыла рух па мосце, бо былі заўважаныя трэшчыны на найбліжэйшых схілах і на дарозе побач. Таксама фіксаваліся зрухі горнага рэльефу.
На наступны дзень сітуацыя пагоршылася — апоўзень выклікаў разбурэнне пад’язной эстакады і часткі праезнай часткі моста.
Паводле мясцовых уладаў, ахвяр няма.
Будоўля моста была завершана ў пачатку гэтага года, пра што раней паведамляла кампанія-падрадчык Sichuan Road & Bridge Group.
Чытайце таксама:
У Кітаі адкрылі самы высокі ў свеце мост
Італія плануе пабудаваць найдаўжэйшы падвесны мост у свеце — у Сіцылію
Падчас дэмантажу моста ў Мазыры абрынулася металічная канструкцыя