Прэм'ер Літвы: Урад абмяркуе заўтра адкрыццё мяжы з Беларуссю
«Трэба пачакаць да серады», — сказала Інга Ругінене.
Камісія па нацыянальнай бяспецы парэкамендавала ўраду, які збярэцца ў сераду, разгледзець магчымасць адкрыцця мяжы з Беларуссю, заявіла прэм'ер-міністр Літвы Інга Ругінене.
«Камісія парэкамендавала на заўтрашнім пасяджэнні ўрада разгледзець магчымасць адкрыцця межаў, а дакладней, двух пунктаў, якія мы закрылі. Гэтае пытанне будзе ўключана ў парадак дня заўтрашняга пасяджэння ўрада», — заявіла прэм'ер-міністр.
«Калі сітуацыя пагоршыцца, мы пакідаем за сабой права зноў закрыць межы ў любы момант ці не адкрываць іх заўтра. Трэба пачакаць да заўтра», — падкрэсліла яна.
Мяжа з Беларуссю была закрыта 29 кастрычніка да 30 лістапада. Прычына — неаднаразовыя залёты метэаралагічных зондаў з Беларуссю.