Зборная Беларусі згуляла другую нічыю запар у матчы, які нічога не значыў

У аўторак у Венгрыі футбольная зборная Беларусі правяла апошні матч адборачнага турніру да чэмпіянату свету. Супернікам была зборная Грэцыі.

Фота: football.by

Гэтая гульня нічога не вырашала. Беларусы датэрмінова фінішавалі на апошнім чацвертым месцы, грэкі на трэцім. Матч і скончыўся нулявой нічыёй — 0:0.

Гэта другая нічыя беларусаў у адборы. У суботу яны згулялі з Капенгагене з Даніяй — 2:2.

Перад гэтым яны прайгралі чатыры паядынкі: у верасні Грэцыі і Шатландыі (1:5, 0:2), у кастрычніку Даніі і Шатландыі (0:6, 1:2).

А вось сёння ў Глазга адбылося сапраўднае захапляльнае відовішча. Шатландцам, каб напрамую выйсці на чэмпіянат свету, трэба толькі перамагаць Данію. 

Ужо на 3‑й хвіліне МакТомінэй забіў, у пачатку другога тайма Хойлунд з пенальці зраўняў лік, але неўзабаве ў датчан было выдаленне, і шатландцы забілі (Шэнкланд), Доргу зраўняў (2:2). Але на апошніх хвілінах гераічнымі высілкамі Цірні і МакЛіна шатландцы заваявалі пуцёўку на чэмпіянат свету — 4:2. 

Данія будзе прабівацца праз стыкі.

Выніковае становішча: Шатландыя — 13 балаў, Данія — 11, Грэцыя — 7, Беларусь — 2.

Каментары да артыкула