Трамп падпісаў закон аб публікацыі «файлаў Эпштэйна»
Прэзідэнт ЗША Дональд Трамп абвясціў, што падпісаў закон, які патрабуе раскрыць усе матэрыялы, звязаныя з нябожчыкам асуджаным за сэксуальныя злачынствы Джэфры Эпштэйнам, піша Бі-бі-сі.
Фота: Joe Raedle / Getty Images
Закон абавязвае Міністэрства юстыцыі раскрыць усю інфармацыю з расследавання ў дачыненні да Эпштэйна «ў фармаце з магчымасцю пошуку і спампоўкі» на працягу 30 дзён.
У той жа час у генпракурора Пэм Бондзі ёсць права схаваць інфармацыю, якая можа паставіць пад пагрозу любое дзеючае федэральнае расследаванне або раскрыць асобу ахвяр.