Сёння пройдзе лёсаванне стыкавых матчаў чэмпіянату свету па футболе
Пасля абнаўлення рэйтынгу ФІФА, у якім Беларусь паднялася з 103‑га на 99‑е месца, вызначыліся канчатковыя склады кошыкаў для лёсавання як еўрапейскага, так і міжкантынентальнага плэй-оф кваліфікацыі ЧС-2026.
Лідэр Шатландыі Скот Мактомінэй прыгожым ударам праз сябе адправіў Данію ў стыкі. Фота: Stu Forster / Getty Images
Яна пройдзе сёння ў Цюрыху, пачатак у 15.00 па Мінску.
Склад чацвёртага кошыка ў Еўропе не залежыць ад рэйтынгу ФІФА — у ім сабраны каманды, якія прабіліся праз Лігу нацый.
Еўрапейская кваліфікацыя
Кошык 1: Італія (12), Данія (21), Турцыя (25), Украіна (28);
Кошык 2: Польшча (31), Уэльс (32), Чэхія (44), Славакія (45);
Кошык 3: Ірландыя (59), Албанія (63), Боснія і Герцагавіна (71), Косава (80);
Кошык 4: Румынія (47), Швецыя (43), Паўночная Македонія (65), Паўночная Ірландыя (69).
16 еўрапейскіх зборных (12, якія занялі другія месцы ў групах +4 зборныя з Лігі нацый) будуць разбіты на чатыры групы па чатыры зборныя.
Стыкавыя матчы пройдуць у фармаце: два паўфіналы і фінал. Пуцёўку на чэмпіянат свету, які пройдзе летам 2026 года ў ЗША, Мексіцы і Канадзе, атрымаюць чатыры пераможцы фіналаў.
Стыкавыя матчы пройдуць 26 і 31 сакавіка.
Міжкантынентальны плэй-оф
Сеяныя: ДР Конга (56), Ірак (58), гэта адразу фіналісты.
У паўфіналах адразу згуляюць Ямайка (70), Балівія (76), Сурынам (123), Новая Каледонія (149).
А ўжо пераможцы пар згуляюць з ДР Конга і Іракам.
Чытайце таксама:
Вызначыліся каманды ад Еўропы, што напрамую выйшлі на ЧС па футболе, і ўдзельнікі стыкавых матчаў
Зборная Кюрасаа ўпершыню ў гісторыі выйшла на чэмпіянат свету па футболе