Прайшло лёсаванне стыкавых матчаў чэмпіянату свету па футболе

Лёсаванне адбылося сёння ў Цюрыху. Да 12 еўрапейскіх каманд, што занялі другія месцы ў групах, далучыліся чатыры найлепшыя каманды з Лігі нацый.

Фота: Uefa.com

16 каманд падзелены на чатыры шляхі плэй-оф, па чатыры каманды ў кожным. Матчы плэй-оф пройдуць у фармаце паўфіналаў з адным матчам, а затым у фармаце аднаматчавага фіналу, у якіх вызначацца апошнія чатыры ўдзельнікі чэмпіянату свету ад Еўропы.

Шлях А

1/2 фіналу

• Італія — Паўночная Ірландыя
• Уэльс — Боснія і Герцагавіна

Шлях B

1/2 фіналу

• Украіна — Швецыя
• Польшча — Албанія

Шлях C

1/2 фіналу

• Турцыя — Румынія
• Славакія — Косава

Шлях D

1/2 фіналу

• Данія — Паўночная Македонія
• Чэхія — Ірландыя

Таксама сёння прайшло лёсаванне міжкантынентальных стыкаў. У іх прымуць удзел 6 зборных: дзве адразу адабраліся ў фінал стыкаў паводле рэйтынгу ФІФА сярод іх, яшчэ чатыры пачнуць з паўфіналаў.

Кваліфікацыя ЧС-2026

Міжкантынентальны плэй-оф

Шлях 1

1/2 фіналу

Новая Каледонія — Ямайка

Фінал

ДР Конга — Новая Каледонія / Ямайка

Шлях 2

1/2 фіналу

Балівія — Сурынам

Фінал

Ірак — Балівія / Сурынам

Паўфінальныя гульні еўрапейскіх стыкаў пройдуць 26 сакавіка 2026 года, фіналы — 31-га. Матчы міжкантынентальных стыкаў таксама пройдуць у сакавіку ў Мексіцы.

Чэмпіянат свету па футболе пройдзе з 11 чэрвеня па 19 ліпеня ў ЗША, Мексіцы і Канадзе. Упершыню ў ім возьмуць удзел 48 каманд, з 1998 года гулялі 32.

Каментары да артыкула