Мінск і Маскву можа злучыць хуткасны цягнік «Фініст»
У Расійскіх чыгунках паведамілі, што новы расійскі хуткасны цягнік «Фініст» можа пачаць курсіраваць паміж Масквой і Мінскам. Сцвярджаецца, што гэта першы цалкам імпартазамешчаны аналаг цягніка «Ластаўка», здольны развіваць хуткасць да 160 км/г.
Фота: vagon-vokzal.ru
Электрацягнік мадэлі ЭС105 складаецца з пяці вагонаў, разлічаных на 386 пасажыраў, і абсталяваны пад’ёмнікамі для людзей з абмежаванай мабільнасцю.
«Фініст» можа працаваць на ўчастках са сталым і пераменным токам, а для далёкіх маршрутаў, у тым ліку ў Беларусь, плануецца яго новая мадыфікацыя.
Цяпер Расійскія чыгункі разглядаюць магчымасць запуску цягніка ў некалькіх напрамках: Масква — Мінск, Уфа — Магнітагорск, Новасібірск — Барнаул, Масква — Ніжні Ноўгарад і Масква — Волагда.
Чытайце таксама:
Расійская чыгунка думае запусціць цягнікі «Сапсан» у Мінск
Высакахуткасную чыгуначную магістраль Масква — Мінск ужо часткова спраектавалі
З Мінска хочуць запусціць цягнік у Маскву з хуткасцю да 400 км/г. Што не так з праектам?