У Оршы гарэў гандлёвы павільён «Рыбка»
У Оршы загарэўся гандлёвы павільён «Рыбка», які знаходзіцца ў складзе комплекснага модуля разам з аўтобусным прыпынкам. Паведамленне пра ўзгаранне паступіла 22 лістапада ў 9:34, інфармуе прэс-служба МНС.
Фота: vitebsk.mchs.gov.by
На месца здарэння накіравалі пяць адзінак тэхнікі. Унутры павільёна выратавальнікі зафіксавалі моцнае задымленне і хутка ліквідавалі пажар.
У выніку агонь пашкодзіў нацяжную столь, закапціў сцены і частку тавараў. Пацярпелых няма.
Прычыны здарэння высвятляюцца.