Мінчук пашкодзіў два аўтамабілі на 10 тысяч рублёў
Здарэнне адбылося ў Маскоўскім раёне сталіцы.
Былі пашкоджаныя дзверы Peugeot і Chevrolet. Паводле папярэдняй ацэнкі, агульная сума нанесенай шкоды перавысіла 10 000 рублёў.
Спецыяліст Маскоўскага раённага аддзела Дзяржаўнага камітэта судовых экспертыз выявіў сляды абутку і рук. Было ўстаноўлена супадзенне з 42‑гадовым мінчуком. Зламысніка затрымалі, віну ён прызнаў, аднак прычыну супрацьпраўных паводзінаў назваць адмовіўся.
У выніку праведзенай судовай трасалагічнай экспертызы эксперт прыйшоў да высновы, што сляды абутку пакінутыя красоўкамі затрыманага.