Мокры снег і галалёдзіца — надвор'е на апошнія дні восені
Прагноз надвор'я па Беларусі на 28—30 лістапада.
У пятніцу пераважна без ападкаў, толькі ноччу месцамі на поўначы краіны пройдзе невялікі снег, мокры снег. На асобных участках дарог галалёдзіца.
Ноччу -4..+2°С, максімальная днём -1..+4°С.
У суботу днём з тэрыторыі Украіны чакаецца перамяшчэнне франтальнага падзелу і цёплых паветраных мас. Днём на большай частцы тэрыторыі краіны чакаюцца ападкі (дождж, мокры снег). На дарогах — галалёдзіца. Ноччу -6..+1°С, максімальная днём складзе ад -1°С на паўночным захадзе да +7°С на паўднёвым усходзе.
У нядзелю ўначы на большай частцы тэрыторыі, днём месцамі па паўднёвым усходзе краіны пройдуць кароткачасовыя ападкі (дождж, ноччу з мокрым снегам). На дарогах галалёдзіца. Ноччу -2..+5°С, максімальная днём -1..+6°С, на паўднёвым усходзе краіны да +8°С.