Зяленскі сустракаецца ў Парыжы з Макронам
Макрон выйшаў на ганак Елісейскага палаца і пасля прыбыцця прэзідэнта Украіны спусціўся яму насустрач. Затрымаўшыся для фота, лідары прайшлі ўнутр.
Сустрэча затрымалася амаль на гадзіну — паводле даных СМІ, першапачаткова яе анансавалі на 10 раніцы па Парыжы, піша «Украінская праўда».
Як паведамлялі раней у Елісейскім палацы, лідары «абмяняюцца думкамі адносна ўмоў справядлівага і сталага міру, у працяг дыскусій у Жэневе, амерыканскага плана і цеснай каардынацыі з еўрапейскімі партнёрамі».
Акрамя таго, закрануць пытанне гарантый бяспекі для Украіны ў межах «кааліцыі рашучых».
Сустрэча адбываецца на наступны дзень пасля перамоваў украінскай і амерыканскай каманд у Фларыдзе адносна магчымых параметраў мірнай дамовы для завяршэння расійска-ўкраінскай вайны.