Ноччу ў пятніцу не будуць працаваць карткі
Перапынкі ў працы чакаюць кліентаў банкаў, якія абслугоўвае Беларускі працэсінгавы цэнтр.
БПЦ будзе праводзіць тэхналагічныя работы на апаратна-праграмным комплексе ў ноч з 4 на 5 снежня з 02:00 да 05:00.
У гэты прамежак часу магчымае кароткачасовае перапыненне абслугоўвання трымальнікаў банкаўскіх картак, якія карыстаюцца паслугамі БПЦ, а таксама ў сетцы арганізацый гандлю і сэрвісу, пунктах выдачы наяўных, прыладах самаабслугоўвання і банкаматах банкаў, падключаных да апаратна-праграмнага комплексу БПЦ.