Грузавік пратараніў у Гродне чатыры аўтамабілі
Аварыя з удзелам мінімум пяці машын адбылася днём у сераду.
На вуліцы Даватара каля Грандзіцкага рынку грузавік пратараніў чатыры легкавыя аўтамабілі, што стаялі на паркоўцы — пацярпелі дзве «Аўдзі», «Фальксваген» і красовер «Хёндэ», піша Newgrodno.by.
Візуальна найбольш пашкоджаны «Пасат»: з адарваным бамперам, збітым багажнікам, да таго ж аўто ўрэзалася ў «Аўдзі», што стаяла побач. У грузавіка пашкоджаная пярэдняя частка.
«Мяркуюць, што машына проста пачала рухацца. Магчыма, кіроўца не паставіў грузавік на ручнік», — распавядаюць сведкі.