Мінчук прайшоў тэст для працы ў Нарвегіі і страціў 2400 рублёў
40‑гадовы мужчына страціў грошы, адгукнуўшыся на фальшывую вакансію.
Мінчанін знайшоў аб’яву ў сацсетках, падпісаў электронную «дамову» і аплаціў паслугі і падрыхтоўку дакументаў: прафесійны тэст, сэрвісны, лагістычны і консульскі зборы, аплату білетаў, рэгістрацыю ідэнтыфікацыйнага кода і адкрыццё рахунку для атрымання заробку.
Усяго ён пералічыў 2400 рублёў. Пасля гэтага менеджар перастаў выходзіць на сувязь. Заведзеная крымінальная справа за махлярства паводле арт. 209 КК.