На расійскай авіябазе ў самалёце на стаянцы загінуў экіпаж
У адным з бамбардзіровачных авіяцыйных палкоў учора адбылося здарэнне ў самалёце, што быў ва ўкрыцці на стаянцы.
Як паведамляе канал Fighterbomber, адбылося несанкцыянаванае спрацоўванне сістэмы катапультавання. У выніку пілот і штурман, якія былі ў кабіне, атрымалі траўмы, несумяшчальныя з жыццём.
Падрабязнасці здарэння і яго прычыны высвятляюцца. На месцы пачала працу дзяржаўная камісія.